Sabit Hua Sakoon-e-Diloo Jaan Kuch Nahi

ثابت ہُوا۔۔۔۔۔۔۔۔۔۔۔۔۔سکونِ دل و جاں کہیں نہیں 

رشتوں میں ڈھونڈتا ہے تو ڈھونڈا کرے کوئی

ترکِ تعلقات تو کچھ مسئلہ نہیں

یہ تو وہ راستہ ہے کہ بس چل پڑے کوئی

میں خود یہ چاہتا ہوں کہ حالات ہوں خراب

میرے خلاف۔۔۔۔۔۔۔۔۔۔۔۔۔۔زہر اُگلتا پھرے کوئی

اے شخص اب تو مجھ کو سبھی کچھ قبول ہے

یہ بھی قبول ہے کہ تجھے۔۔۔۔۔۔۔چھین لے کوئی

ہاں ٹھیک ہے میں اپنی اَنا کا مریض ہوں

آخرمیرے مزاج میں کیوں دخل دے کوئی

اک شخص کر رہا ہے ابھی تک وفا کا ذکر

کاش اس زباں دراز کا منہ نوچ لے کوئی