Hum kahaN aur tum kahaN jaanaaN
HaiN kayee hijr darmiyaN jaanaaN
RaaygaN wasl meN bhi waqt hua
Par hua khoob raayegaN jaanaaN
Mere ander hi tu kahiN gum hai
Kis se puchhuN tera nishaN jaanaaN
Aalam E bekaraN meN rang hai tu
Tujh meN ThahruN kahaN kahaN jaanaaN
Raushni bhar gayee nigaahoN meN
Ho gaye khaab be amaN jaanaaN
Ab bhi jheeloN meN aks parte haiN
Ab bhi neela hai aasmaN jaanaaN
No comments:
Post a Comment